دينا الشربينى: “عمرو دياب منزلش من البيت منذ أكثر من شهر بسبب كورونا”

قالت زوجة الفنان المصري عمرو دياب ” دينا الشربيني ” خلال تصريحات تلفزيونية  في برنامج ” حكاية ” : “هو فى أحلى من كده؟، أنا أصلا لما بتكلم عنه شوية مش بعرف أتكلم أوى عشان مش بعرف أديله حجمه، وهو رقم واحد فى الشرق الأوسط، وناجح بقاله 30 سنة، وهو دائما بيقول أنا جاى من بورسعيد عندى مشروع، عمرو دياب ممكن يفضل قاعد طول الوقت شغال، ولما يحط إيده فى حاجة بتطلع رائعة”.

و أضافت الفنانة دينا الشربيني  “عمرو دياب عشان بيحب شغله فبيخاف على نفسه وبياخد باله من إجراءات الوقاية، ودايما بيساعدنى فى شغلى واختياراتى، وبقاله أكتر من شهر مش بينزل من البيت خالص، وبشكره جدا أنه مستحملنى فى الظروف دى، وأنا هخاف عليه ينزل يجى عندى التصوير، وهو استغل الفترة دى وبيلعب رياضة ومحافظ على جسمه”.

و تابعت دينا الشربيني حديثها بشأن دوروها في مسلسل “لعبة النسيان”  “رجاء الجداوي تجنن في اللوكيشن، جابت لي مخلل يجنن، وأحمد داوود طلب منها تجيب حواوشي”، مشيدة في الوقت ذاته بوقوفها أمام الفنان محمود قابيل في المسلسل.

و إستكملت حديثها قائلة: “محمود قابيل يجنن، بقف أتفرج عليه وهو بيتكلم أو وهو بيفتح الباب للبنات الأول عشان تعدي، حاجة جميلة جدا، وطبعا هو في غني أني أتكلم عن تمثيله، فيه كمان في المسلسل ضيوف شرف مهمين، ومش عاوزة أنسى أي حد في شكري ليهم”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى