بعد تصريحات أحمد فلوكس الفنانة هنا شيحة تتصدر مؤشرات البحث بجوجل
أثارت إستضافة الإعلامية و المخرجة المصرية إيناس الدغيدي في برنامجها ” شيخ الحارة ” الفنان المصري أحمد فلوكس الجدل وتحركت محركات البحث في جوجل في البحث عن أحمد فلوكس وزوجته ،بعد ان قامت بسؤاله عن العديد من الأسئلة الشخصية والخاصة والجريئة والتي كان من ضمنها أسئلتها عن زوجته السابقة هنا شيحة .
وعند سؤاله عن أسباب طلاقه من زوجته هنا شيحة بعد فترة قصيرة من الزواج فأجاب قائلا “ماكنتش عاوز أطلق هنا شيحة لأن هنا جميلة جدا ومن الناس اللى قابلتهم ومايتعوضوش .. كانت بتحبنى جدا .. وست بمليون راجل .. ولكن أنا كراجل صعب .. صعيدى حتى لو ماروحتش الصعيد طول عمرى .. وعصبى جدا.. وفى نفس الوقت هنا مايتفرطش فيها بسهولة بس هى اللى طلبت، وطبيعى اللى هتطلبه هنا هعملهولها لغاية ما أموت “.
وفي معرض حديثه عن طريقة دخوله وعمله في مجال الفن رد قائلا” “أنا مادخلتش الفن عن طريق والدى بالعكس هو كان رافض .. أنا دارس إعلام قسم تصوير.. وأبويا كان عاوزنى أشتغل فى البيزنس ..وبالفعل أنا دلوقتى فاتح شركة .. لأن الفن مابقاش هو اللى تربينا عليه .. وأكبر دليل على كلامى، إنى كنت بروح الجامعة بميكروباص .. يعنى تعبت فى البداية”.
وأضاف الفنان المصري أحمد فلوكس ، أكتر حاجة بتضايقنى فى الجواز كلمة “بنشترى راجل” لأن الجملة دى لو أتقالتلى هسيبها وهمشى .. جملة صعبة جدا”.
وتحدث أيضا عن الإعلامي معتز مطر فقال أحمد فلوكس، “أنا عمرى ما هدخل حزب .. لكن وقت هجومى على هذا الشخص.. أى بنى أدم طبيعى هيهاجمه.. لأنه بيقول إدعاءات .. وكان من واجبى أقول الكلام ده .. أنا شفت عساكر وظباط وصف كلهم ناس بتسيب بيوتهم وبيروحوا معسكراتهم .. دول بيبنوا.. فى الوقت اللى فيه ناس بتهد”.
